रामनाथी (गोवा) – सप्तम ‘अखिल भारतीय हिंदू अधिवेशना’अंतर्गत ‘हिंदु राष्ट्र संघटक प्रशिक्षण अधिवेशन’ येथील श्री रामनाथ देवस्थानमधील श्री विद्याधिराज सभागृह येथे 9 ते12 जून या कालावधीत पार पडले. या अधिवेशनामध्ये उपस्थित हिंदुत्वनिष्ठांनी हिंदु राष्ट्र–स्थापनेविषयी समाजात जागृती करण्यासाठी हिंदु राष्ट्र–जागृतीचे उपक्रम देशभर राबवण्याचा निर्धार केला. त्या अंतर्गत देशभरामध्ये छोट्या, मध्यम आणि मोठ्या हिंदु धर्मजागृती सभा, तसेच ‘एक वक्ता सभा’ अशा एकूण 297 ठिकाणी ‘हिंदु धर्मजागृती सभा’ घेण्याचे निश्चित करण्यात आले.याचसमवेत 965 ठिकाणी ‘ग्रामस्तरीय हिंदु राष्ट्र–जागृती बैठकां’चे आयोजन, 209 ठिकाणी शौर्य जागरण शिबिरे घेण्याचे निश्चित करण्यात आले.या अधिवेशनाला देशातील 13 राज्यांतून 240 हून अधिक हिंदुत्वनिष्ठ, तसेच हिंदु जनजागृती समितीचे कार्यकर्ते उपस्थित होते.
या अधिवेशनाच्या समारोपप्रसंगी हिंदु जनजागृती समितीचे राष्ट्रीय मार्गदर्शक सद्गुरु (डॉ.)चारुदत्त पिंगळे, सनातनचे उत्तर महाराष्ट्र धर्मप्रसारक सद्गुरु नंदकुमार जाधव, सद्गुरु (सौ.)बिंदा सिंगबाळ, सनातनच्या मुंबई, ठाणे, रायगड आणि गुजरात राज्य धर्मप्रसारक सद्गुरु (कु.)अनुराधा वाडेकर, पश्चिम महाराष्ट्र धर्मप्रसारक सद्गुरु (कु.) स्वाती खाडये आदींसह अन्य वक्त्यांनी धर्मप्रेमींना राष्ट्र आणि धर्म यांवर होणारे आघात व साधनेविषयी मार्गदर्शन केले. या वेळी हिंदुत्वनिष्ठांना ‘चांगले संघटक निर्माण करणे’, ‘धर्मबंधूभाव निर्माण करणे’, ‘हिंदूंमध्ये जागृती करणे’, ‘हिंदूंना संघटित करण्यासाठी विविध उपक्रम राबवणे’, यांविषयी प्रशिक्षण देण्यात आले.
हिंदु राष्ट्र–स्थापनेच्या कार्याचा दृढ निश्चय करून मार्गक्रमण करूया ! – सद्गुरु (डॉ.)चारुदत्त पिंगळे
समाजात हिंदु राष्ट्र–संघटक म्हणून कार्य करतांना हिंदु राष्ट्र संकल्पनेच्या दृष्टीने अभ्यास असणे आवश्यक आहे. त्यासाठी वैचारिक, बौद्धिक,आध्यात्मिक आणि शारीरिक स्तरांवर कार्य करायला हवे. हिंदु राष्ट्र–स्थापनेच्या संदर्भात जागृती आणि हिंदूसंघटन करत असतांना काळाची पाऊले ओळखून त्याप्रमाणे संविधानिक मार्गाने कार्य करायला हवे. हे ऐतिहासिक कार्य करण्याचा दृढ निश्चय करून त्या दिशेने मार्गक्रमण करूया, असे मार्गदर्शन सद्गुरु (डॉ.) चारुदत्त पिंगळे यांनी केले.
‘हिंदु राष्ट्र संघटक प्रशिक्षण अधिवेशना’त निश्चित केलेला समान कृती कार्यक्रम !
1. प्रतिमास 85 नवीन ठिकाणी ‘राष्ट्रीय हिंदू आंदोलन’ करण्यात येणार !
2. धर्मप्रेमी युवकांना धर्मशिक्षण मिळण्यासाठी270 नवीन ठिकाणी साप्ताहिक धर्मशिक्षणवर्गांचे आयोजन !
3. एकूण 69 ठिकाणी ‘हिंदु राष्ट्र संघटक प्रशिक्षण कार्यशाळा’ घेण्याचे निश्चित !
4. हिंदु राष्ट्राविषयी पत्रकार आणि प्रबुद्ध नागरिक यांच्या परिसंवादांचे 84 ठिकाणी आयोजन करण्यात येेणार !
5. धर्मशिक्षण, काश्मिरी हिंदूंवर झालेले अत्याचार आदींसह विविध विषयांवर 577 ठिकाणी फ्लेक्स प्रदर्शनांचे आयोजन !
6. 38 ठिकाणी वक्ता प्रशिक्षण कार्यशाळा, 89ठिकाणी सोशल मीडिया शिबिरे, 60 ठिकाणी साधना शिबिरे घेण्याचे निश्चित !