शिवसेना,युवासेना,विद्यार्थी सेना खेरवाडी यांच्या आंदोलनामुळे बंद बससेवा पुन्हा सुरु

0
898

समाधान भाऊसाहेब कोकाटे
निफाड तालुका प्रतिनिधी

बंद झालेल्या बस पुन्हा पुर्ववत करण्यासाठी प्रत्यक्ष नाशिक येथे आगार वाहतूक प्रमुख श्री.गणोरे साहेब यांच्याशी सविस्तर चर्चा व निवेदन दि. २१/०८/२०१८ रोजी देण्यात आले. त्यादिवसापासून पासून नाशिक येथून सै.पिंप्री खेरवाडी मार्गे येणाऱ्या बस पिंप्री मार्गे ओझर वळविण्यात आल्याचे लक्षात येताच त्या पुन्हा पुर्ववत चालू करण्यासाठी त्याच दिवशी जि.प.सदस्य, दिपकभाऊ शिरसाठ , पं.स. सदस्या रत्नाताई संगमनेरे यांचे पती शंकर संगमनेरे , भा.विद्यार्थी सेना माजी तालुका अध्यक्ष सुभाषभाऊ आवारे, शिवसेना शहरप्रमुख सुनिल संगमनेरे , सतिश संगमनेरे , ग्रा. पं. उप सरपंच मायावती संगमनेरे यांचे पती दशरथ संगमनेरे ,व मा. सदस्य गोविंदराव संगमनेरे , बापू संगमनेरे , शालेय व महाविद्यालयातील विद्यार्थी , शिवसैनिक , युवासैनिक यांसह पालकांसमवेत खेरवाडी चौफुली येथे आंदोलन करण्यात येवून तातडीने नाशिक येथे वरील सर्व जावून वाहतूक नियंञक गणोरे यांच्याशी विद्यार्थ्यांची होणारी गैरसोय लक्षात आणून दिल्यानंतर व आ.अनिल आण्णा कदम यांचे फोनवर आगार प्रमुखांशी झालेल्या चर्चानंतर रितसर शिवसेनेने निवेदन दिल्यानंतर पुढील दोनच दिवसात अनेक बस फेऱ्या पुन्हा पिंप्री खेरवाडी मार्गे सायखेडा सुरु झाल्यात. (निवेदनाचे पञ, व वर्तमानपञातील बातमी आपल्या माहितीसाठी टाकत आहोत.) यापुढे चालक व वाहक यांनी विद्यार्थ्यांच्या शाळेच्या वेळेत व शाळा सुटल्यानंतर विद्यार्थ्यांस ने आण करण्यासाठी सहकार्य न केल्यास तशा तक्रारी विद्यार्थ्यांनी दिल्यास पुन्हा आ.अनिल आण्णा कदम यांच्या मार्गदर्शनाखाली आगारी प्रमुख कार्यालयात शिवसेना आंदोलन करेल.