कालवाडी शिवारातल्या जुगारावर अकोट ग्रामीण पोलिसांची कारवाई

136

अकोट/प्रतिनिधी

दर्यापुर रोडवरील कालवाडी शेत शिवारात सुरू असलेल्या जुगारावर शुक्रवारच्या सायंकाळीअकोट ग्रामीण पोलिसांच्या डीबी पथकाने धाड टाकली.यावेळी ४ जुगाऱ्याना पकडले तर ७ जण फरार झालेत.जुगाऱ्याकडून २ लाख २६ हजाराचा मुद्देमाल जप्त करण्यात आला.
कालवाडी शेतशिवारात जुगार सुरू असल्याची गोपनीय माहिती ठाणेदार मिलींदकुमार बहाकर यांना मिळाली,त्यांनी तत्काळ डीबी पथकाला याकामी रवाना केले. पथकाने जुगारावर धाड टाकली असता यावेळी जयराम राजाराम बैरीसाल (४०) रा.सुदर्शन कॉलनी अकोट, नरेश काशीनाथ गायकी (३०) जोशी वाडी अकोट,कुणाल विश्वास वानखडे (२४) वडाळी सटवाई,जगदीश राजाराम मनवर (३०) शिवाजी महाविद्यालय मागे अकोट यांना जागेवर पकडले तर तिलक राजू मर्दाने, संदीप हिम्मत चांडालिया, विशाल रामनाथ सत्याल सह ४ जण फरार झाले.जुगाऱ्याकडुन ५ दुचाक्या,३ मोबाईल व रोख ८ हजार २३० रुपये,असा एकूण २ लक्ष २६ हजार २३० रुपयांचा मुद्देमाल जप्त करण्यात आला आहे. ही कार्यवाही उपविभागीय पोलीस अधिकारी सुनील सोनवणे,ठाणेदार मिलिंदकुमार बहाकर यांच्या मार्गदर्शनाखाली एएसआय नारायण वाडेकर,नापोशी गजानन भगत, पोकॉ. अनिल शिरसाट,प्रवीण गवळी,अविनाश आडे,नंदकिशोर कुलट यांनी केली.

जाहिरात
नोटिस: समाचार / में उद्धृत स्रोत लिंक केवल समाचार / आलेख प्रकाशित होने की तारीख पर मान्य हो सकते हैं। उनमें से अधिकतर एक दिन से कुछ महीने बाद अमान्य हो सकते हैं। जब कोई न्यूज लिंक  काम करने में विफल रहता है, तो आप स्रोत वेबसाइट के शीर्ष स्तर पर जा सकते हैं और समाचार / आलेख की खोज कर सकते हैं।