अमरावती –
अमरावती शहरातील संत गाडगेबाबा मंदिरासमोरील मैदानावर २७ जानेवारी यादिवशी सायंकाळी ५.३० वाजता हिंदु जनजागृती समिती आयोजित हिंदु-राष्ट्र जागृती सभेचे आयोजन करण्यात आले आहे. ही सभा केवळ हिंदु जनजागृती समितीची नसून प्रत्येक हिंदुंचे कर्तव्य असल्यामुळे जिल्ह्यातील विविध हिंदुत्ववादी संघटनांना सभेच्या आयोजनात सहभागी करून घेता यावे याकरिता आज १३ जानेवारीला सकाळी ११ वाजता श्री. दिलीपबाबू गणोरकर मठामध्ये आयोजन बैठकीचे आयोजन केले होते. या आयोजन बैठकीमध्ये होर्डिंग, प्रसिद्धी, सोशल मिडिया, मंदिरात प्रसार, पोस्टर, पत्रक, उद्घोषणा या विविध माध्यमांतुन जिल्ह्यात मोठ्या प्रमाणात प्रसार करण्याचे नियोजन झाले आणि सहभागी हिंदुत्वादी संघटनांनी एकत्र येऊन त्यासाठी कार्य करण्याचा निश्चय यावेळी केला. हिंदु जनजागृती समितीचे जिल्हा समन्वय श्री. नीलेश टवलारे यांनी बैठकीचे स्वरूप उपस्थितांना सांगितले.
