टोम्पे महविद्यालयात माती व पाणी तपासणी प्रयोगशाळा.
*तालुक्यातील शेतकऱ्यांना मिळणार अल्पदरात दोन्ही तपासण्या.
*खासदार स्थानिक विकास निधीतील स्तुत्य उपक्रम.
चांदूर बाजार
शेतकर्याना आपल्या उत्पादनवाढी साठी,शेतातील माती ची सुपिकता तपासणे अत्यंत आवश्यक असते. तसेच विहीर किंवा ट्युबवेलचे ओलितासाठी वापरण्यात येणारे पाणी सुध्दा तपासणे गरजेचे आहे. परंतु ही सुविधा तालुक्यात उपलब्ध नव्हती. आता ही सुविधा स्थानिक गो.सी.टोम्पे महाविद्यालयाने,लघु माती व पाणी परिक्षण प्रयोगशाळेच्या माध्यमातून शेतकऱ्यांना उपलब्ध करून दिली आहे.
या प्रयोगशाळेचे उद्घाटन१५फेब्रुवारी ला करण्यात आले आहे. उद्घाटना नंतर लगेचच ही माती,पाणी परीक्षण प्रयोगशाळा शेतकर्याच्या सेवेत रुजू करण्यात आली. या प्रयोगशाळेत शेतकर्यांना अल्प दरात माती व पाणी तपासून मिळणार आहे. या प्रयोगशाळे कडून तपासणी नंतर,परीक्षण अहवालही देण्यात येणार आहे. या तपासणी अहवाला मुळे शेतकर्यांना ,आपल्या शेतातील मातीची सुपिकता कळण्यास मदत होणार आहे.
तालुक्यात ही सुविधा उपलब्ध नसल्यामुळे, शेतकर्यांना दोन्ही परिक्षणासाठी अमरावती येथे जावे लागत होते. त्यामुळे तालुक्यातील शेतकरी या तपासणी पासून वंचित राहात होते. आता ही सुविधा तालुक्यातच उपलब्ध झाल्याने, शेतकऱ्यांना या माती व पाणी परिक्षणाचा मोठा फायदा होणार आहे. स्थानिक पातळीवर अल्पदरात होणार्या माती व पाणी परिक्षणामुळे,तालुक्यातील शेतकऱ्यांना जमिनीची सुपीकता तपासून, त्याच्या शेतमाल उत्पादन वाढीस चालना मिळणार आहे.
तालुक्यातील शेतकर्याची अडचन ओळखुन हा स्तुत्य उपक्रम,खासदार आनंदराव अडसुळ यांच्या स्थानिक विकास कार्यक्रमाअंतर्गत सुरू करण्यात आला आहे.या प्रयोगशाळेचे उद्घाटन, महाविद्यालयाचे प्राचार्य डॉ. राजेंद्र रामटेके यांच्या हस्ते करण्यात आले. याप्रसंगी संस्थेचे सचिव भाष्कर टोम्पे, प्रा.विजय टोम्पे, प्रा.शशिकांत दुपारे उपस्थित होते. शेतकर्यानी माती व पाणी परिक्षणासाठी महाविद्यालयातील, प्रा.सचिन भोंबे,प्रा.रवी आठवले, प्रा.स्नहल राजस यांचेशी संपर्क साधावा. असे महाविद्यालया कडून कळविण्यात आले आहे.
Home आपला विदर्भ अमरावती टोम्पे महविद्यालयात माती व पाणी तपासणी प्रयोगशाळा. *तालुक्यातील शेतकऱ्यांना मिळणार अल्पदरात दोन्ही...