बीड: नितीन ढाकणे, दिपक गित्ते
रविवारी दुपारपासूनच भाविक परळी वैद्यनाथाच्या पावन नगरीत दाखल होत आहेत. रविवारी रात्री 12 पासून महाशिवरात्रीच्या पावन पर्वाला सुरुवात होणार आहे. यासाठी बारा ज्योतिर्लिंगांपैकी पाचवे ज्योतिर्लिंग असलेल्या वैजनाथ देवस्थान ट्रस्टच्या वतीने जय्यत तयारी करण्यात आली आहे.
महिला व पुरुषांच्या दर्शनासाठी स्वतंत्र रांगेची व्यवस्था करण्यात आली असून,पास धारकांची वेगळी रांग असेल.पासचे मूल्य 100 रुपये आहे.वैजनाथच्या दर्शनासाठी देशभरातून लाखो भक्त दर्शनासाठी येत असल्याने भक्तांच्या दर्शनासाठी देवस्थान ट्रस्टकडून विशेष सोय करण्यात आली आहे.मंदिराच्या उत्तर पायऱ्यावर लोखंडी बॅरीकेटिंग करण्यात आली असून भव्य मंडपही उभारण्यात आला आहे. मंदिराला विद्युत रोशनाईही करण्यात आली आहे. मंदिर परिसरात 100 सीसीटीव्ही कॅमेऱ्यांची नजर राहणार आहे. सुरक्षेसाठी मोठा पोलीस बंदोबस्तही असणार आहे.