पुणे : केंद्रीय लोकसेवा आयोगाने (यूपीएससी) घेतलेल्या कम्बाइंड डिफेन्स सर्व्हिसेस परीक्षेत पुण्याची श्रुती श्रीखंडे ही देशात मुलींमध्ये सर्वप्रथम आली आहे. श्रुती आयएलएस कॉलेजाची विद्यार्थिनी आहे. चेन्नईच्या ऑफिसर्स ट्रेनिंग अॅकॅडमीमध्ये (ओटीए) प्रवेशासाठी ही परीक्षा घेण्यात येते. गुरूवारी या परीक्षेचा अंतिम निकाल जाहीर करण्यात आला. त्यात श्रुतीने पहिला क्रमांक पटकावला.