सिंदेवाही- ताडोबा-अंधारी व्याघ्र प्रकल्पाच्या बफर क्षेत्रातील कारवा या गावातील एका इसमावर वाघाने हल्ला करुन त्यास गंभीर जखमी केल्याची घटना काल बुधवार २९ मे २०१९ रोजी घडली. वाल्मीक मनोहर मांदाळे (३४) असे जखमी इसमाचे नाव असुन वाल्मिक हा जंगल परिसरात झाडाचे आंबे आनन्यास गेला होता. दबा धरून बसलेल्या पट्टेदार वाघाने त्याच्यावर हल्ला केला यात त्याच्या पाठीवरती गंभीर जखमा झाल्या. जखमी इसम कसा-बसा वाघाच्या तावडीतुन स्वत:ची सूटका करुन घेतली. वाघाच्या तावडीतुन वाल्मिक थोडक्यात बचावला असुन सध्या त्याच्यावर चंद्रपुर जिल्हा सामान्य रुग्णालयात उपचार सुरु आहे.