सकाळी 6:55 ला घेतला अखेरचा श्वास
बॉडी बजाज नगर पोलिसांना हँडओव्हर करणार
वर्धा तील हिंगणघाट येथे एकतर्फी प्रेमातून जिवंत जाळण्याच्या प्रयत्न झालेल्या तरुणीचा मृत्यू झाला आहे. काल रात्रीपासून तिची प्रकृती खालावली होती. आज सकाळी 6 वाजून 55 मिनिटांनी तिची प्राणज्योत मालवली आहे. तिच्यावर उपचार करणार्या डॉक्टरांनी मेडिकेल बुलेटिन जारी करून ही माहिती दिली.नागपूरच्या ऑरेंज सिटी इस्पितळात तिच्यावर उपचार सुरू होते. सुरूवातील पीडित तरुणीने उपचारांना प्रतिसादही दिला. परंतु काल रात्रीपासून तिची प्रकृती खालावत गेली. पहाटे रक्तदाब कमी जास्त झाल्याने तिला श्वास घेण्यास त्रास होत होता. डॉक्टरांनी तिला वाचवण्यासाठी शर्थीचे प्रयत्न केले. परंतु पीडित तरुणीची मृत्यूशी झुंज संपली आणि आज तिचा मृत्यू झाला.