मुंडगाव येथे पार पडला आदर्श विवाह
अकोटः ता.प्रतिनिधी
अकोट तालुक्यातील मुंडगाव येथे सोशल डिस्टनसिंग चे पालन करीत अत्यंत साध्या पद्धतीने विवाह सोहळा पार पडला व वधू वराकडून ११००० रुपये राशी मुख्यमंत्री सहाय्यता निधीस दिले,संपूर्ण जगात कोरोना या महामारीने थैमान घातले आहे.त्यामुळे भारतात आपत्ती व्यवस्थापन कायदा व संचारबंदी लागू केली या संचारबंदी मध्ये लग्न समारंभ अत्यंत साध्या पद्धतीने व स्वतःच्या घरीच साजरा करण्याचे शाषणाचे आदेश आहेत.
त्यामुळे मयुरी सारंगधर चितोडे रा मुंडगाव व अमित गणेश बारहाते रा बाळापूर यांचा ०८ मे रोजी ठरलेला विवाह सोहळा संपन्न झाला व त्यांनी ११००० रुपये मुख्यमंत्री सहाय्यता निधीस जमा केले यावेळी सरपंच श्रावण भरक्षे,पंचायत समिती सदस्य ज्ञानेश्वर दहीभात, उपसरपंच तुषार पाचकोर यांची उपस्थिती होती . तसेच मुंडगाव येथील दिलीप गवई यांचा मुलगा विशाल गवई व गाजीपुर येथील सुनील तायडे यांची मुलगी सपना तायडे यांचा सुध्दा आदर्श विवाह सोहळा पार पडला.
