चांदुर रेल्वे – (शहेजाद खान)
स्थानिक गाडगेबाबा मार्केटस्थित अरीहंत ज्वेलर्सचे संचालक कमलचंद गुगलीया यांच्या धनराज नगरातील निवासस्थानी गुरूवारी मध्यरात्री चोरट्यांनी घरात प्रवेश करून १ लाखाचा ऐवज लंपास केल्याची घटना घडली. या घटनेनंतरही पोलीस प्रशासन मात्र सुस्तच दिसुन आले.
धनराज नगरमधील कमलचंद गुगलीया यांच्या घराचा समोरील दरवाज्याचे काच फोडुन दरवाजा उघडला व घरात प्रवेश करून झोपलेल्या सर्वांना बेशुध्द केल्याचे समजते. यानंतर घरातील कपाट उघडुन सोनसाखळी १५ ग्रैम, अंगठ्या १० ग्रैम, कानातले असा ८३ हजार रूपयांच्या ऐवजासह नगदी २१ हजार लंपास केले. अशी एकुन १ लाख ४ हजारांची चोरी झाल्याची माहीती मिळाली आहे. या घटनेनंतर सकाळी ही माहिती पोलीसांना देण्यात आली. पोलीसांनी घटनेचा पंचनामा केला. मात्र सायंकाळच्या सुमारास पोलीसांनी अज्ञात चोरट्याविरूध्द कलम ४५७, ३८० अन्वये गुन्हा दाखल केला. पोलीसांच्या अशा कासवगतीपणामुळे चोरट्यांचा खरच शोध लागेल का ? हा ही एक संशोधनाचा विषय बनला आहे.