चांदूर रेल्वे –
चांदूर रेल्वे शहरालगत असलेल्या शेतशिवारात ठाणेदार ब्रम्हा शेळकेंच्या नेतृत्वात धाड टाकुन ४६ हजारांचा जुगार पकडल्याची घटना गुरूवारी (ता. २८) सायंकाळी ५.३० वाजता घडली.
प्राप्तमाहितीनुसार, चांदूर रेल्वे – पळसखेड मार्गावरील रेल्वे पुलाजवळ असलेल्या बंडू वाढोणकर यांच्या शेतात मोठा जुगार सुरू असल्याची माहिती पोलीसांना मिळाली होती. या माहितीवरून ठाणेदार ब्रम्हा शेळके यांनी स्वत: धाड टाकुन दोन कॅट व ४६ हजारांचा मुद्देमाल जप्त करून घटनास्थळावरून आरोपी बंडू विकास वाढोणकर (४८), विनोद मधुकर नागमोते (५०), उमेश गोविंदराव चौधरी (५०), शरद बळीराम खोब्रागडे (३८), राजीक गफ्फार शेख (३२), शेख जफर शेख सत्तार (४०) रा. सर्व चांदूर रेल्वे या ६ आरोपींना अटक केली. अटक सर्व आरोपींविरूध्द जुगार अॅक्ट १२ (अ) नुसार गुन्हा दाखल करण्यात आला आहे.
