Vidarbha 24 News Desk / Marathwada News
औरंगाबाद : शहरात एक गंभीर घटना घडली आहे. वैजापूरच्या शिऊर पोलिस ठाण्याचे सहायक पोलिस निरीक्षक सत्यजित ताईतवाले यांच्या अंगावर वाहन घालून जीवघेणा हल्ला करण्यात आला. हा प्रकार औरंगाबाद शहरातील सिडको चौकात सोमवारी मध्यरात्रीच्या सुमारास घडली आहे. सत्यजित ताईतवाले यांच्यावर मुकुंदवाडीतील खासगी रुग्णालयात उपचार सुरु आहेत.
मिळालेल्या माहितीनूसार, ताईतवाले हे कुटुंबासोबत औरंगाबाद येथे राहतात. सध्या ते शिऊर पोलिस ठाण्यात सहायक पोलिस निरीक्षक आहेत. सोमवारी एका हॉटेलमध्ये गेले असता तिथे काही लोकांसोबत ताईतवाले यांचे भांडण झाले. यानंतर ते सिडको भागात गेले असता सहा हल्लेखोरांनी त्यांचा पाठलाग करत वाहन त्यांच्या अंगावर घातले. यात ते खाली पडले. यानंतर सहा जणांनी त्यांना लोखंडी रॉडने मारहाण केली.
या घटनेत सत्यजित ताईतवाले गंभीर जखमी झालेत. माहिती मिळाल्यानंतर एमआयडीसी पोलिस घटनास्थळी दाखल झाले. पोलिसांकडून सध्या आरोपींचा शोध सुरु असल्याचे गुन्हे शाखेचे सहायक पोलिस निरीक्षक अजबसिंग जारवाल यांनी सांगितले.