हिंगणघाट येथील तरुणी शिक्षिकेला पेट्रोल टाकून पेटवण्याच्या घटनेचे जिल्ह्यात तीव्र पडसाद उमटले आहेत. हिंगणघाटच्या नांदोरी चौकात भर दिवसा शिक्षिकेला जाळण्याचा प्रयत्न केला गेला.
हे प्रकरण 24 तासाच्या आत वर्धा पोलिसांनी आरोपीला नागपूर येथील टाकळघाट मधून अटक केली. विकेश नागराळे असे आरोपीचे नाव आहे. या घटनेचा सर्वच स्तरावर निषेध होत असून जस्टिस फॉर शी म्हणत हिंगणघाट येथील विद्यार्थी आणि नागरिकांनी संताप व्यक्त केला आहे. कठोर कारवाईची मागणी करीत विविध संघटनांनी निवेदन दिले आहे .